Ağ rəngdə divanların mənfi və müsbət tərəfləri
Ədalətin və rahatlığın rəmzi sayılan ağ rəng evlərimizin də ayrılmaq rəngidir.
İllərdir hakimliyini qoruyub saxlayan və dəbdən düşməyən ağ rəng mebellərdə, divanlarda, ev boyalarında, tavanda istifadə olunur.
Evdə ən az seçim olunan hissəsi isə, divanlardır.
Gözəl görüntüsü və evimizin istənilən dekoru ilə uyğun ola bilən ağ divanların bir neçə mənfi xüsusiyyətin görməzdən gəlməz bizə əlavə iş və əziyyət qazandıra bilər.
Ağ divanlar məkanın ölçüsünü olduğundan geniş və işıqlı göstərir. Rənginin aydınlığı sayəsində gün düşməyən otaqlara belə olduğundan aydın görüntü verə bilir.
Künc və düz olmasından aslı olmayaraq, mətbəx, yataq otağı və qonaq otaqlarında seçim olunan ağ divanlar dincəlmək üçün ən yaxşı seçimlərdən biridir.
Deyə bilərsiz ki, "divanların rənginin dincəlməyimizlə necə bir əlaqəsi ola bilər?"
Ağ rəng təmizlik rəmzi olaraq bilinir və təmizliyi özündə ehtiva edir. Günün qarmaqarışıqlığı, şəhər həyatının səs-küyü və tozlu küçələr istər-istəməz gözümüzü yorur, biz hiss etməsək də, şüur altımıza mənfi enerji yükləyir.
Ağ divanda dincəldiyimiz zaman isə rəngin təmizliyi axtardığımız rahatlığı və gözoxşayan təmizliyi bizə hiss etdirir.
Ağ divanlar həm sadə, həm də naxışlı ola bilər. Hansının olması istifadəçinin zövqü və istəyindən aslıdır.
Hazırda ən çox dəbdə ola ağ divanlar isə minimalist naxışlı ağ divan modelləridir.
Bu qədər üstünlüyünə baxmalayaraq, ağ rəngli divanların mənfi cəhətləri də az deyil.
Təmizliyi ötürən bu bu rəngi təmiz saxlamaq bir az əziyyət tələb edir.
Rəngin açıq olması sayəsində istənilən ləkə üzərində bilinir.
Ən xırda ləkələri də biruzə verən ağ divanları mümkün qədər qorumaq lazım olur. Hətta bəzə ləkələri aparmaq belə çətin olduğu üçün təmizliyi və uzunömürlü divanları sevən biri ağ divanlardan mümkün qədər uzaq gəzir. Həmçinin uşaq olan və çox qonaqlı evlərdə də ağ divan məsləhət görülmür.
Lakin ağ rəng əziyyətli olsa da, qeyd etdiyimiz kimi evimizin ayrılmaz parçasıdır. Bu səbəbdən də, evini ağ rəng divansız təsəvvür etməyənlər dümağ yerinə, onun fərqli tonlarını günün trendinə çeviriblər.
Süd bəyazı və kirli ağ tonları ən çox istifadə olunan ağ divan rəngləridir. Dümağdan fərqli olaraq, bu tonlar daha gec çirklənir və ləkələri az biruzə verir.
