Aralıq dənizi üslubunda olan mətbəx mebelləri
Mətbəx mebelləri müxtəlif üslublarda olurlar. Bu isə birbaşa zövqdən asılıdır. Yəni zövqlər müxtəlif olduğu üçün mətbəx mebelləri də bir-birindən fərqlənir.
Mətbəx mebelləri arasında Aralıq dənizi üslubuna xas mebellərin sayı çoxluq təşkil edir. Bu isə əksər insanların məhz bu üsluba üstünlük verdiyinin göstəricisidir.
Aralıq dənizində yerləşən müxtəlif ölkələrin mədəniyyət xüsusiyyətlərini özündə birləşdirən, rahatlıq və qonaqpərvərliyin təcəssümü olan isti və koloritli üslub. Aralıq dənizi mətbəx interyerində ispan, italyan, yunan xüsusiyyətləri görünə bilər.
Bu üslubun iki əsasi istiqamət var. Söhbət italyan və yunan növlərindən gedir. İtalyan üslubu isti rənglərlə zəngindir: qızılı, terrakot, zeytun. Yunan üslubuna isə soyuq çalarlar xasdır: ağ, göy, sarı.
Aralıq dənizi üslubuna xas olan xüsusiyyətlərdən bəhs edək. İstifadə olunan palitranın böyük çeşidi ilə burada təbii rənglərin üstünlük təşkil etdiyini vurğulamaq lazımdır. Qəhvəyi ağac, tünd göy və göy-mavi, ot rəngi, tünd zeytun və digər rənglərdən geniş istifadə olunur.
Aralıq dənizi üslubunda bir qayda olaraq, lazımsız dekorasiya yoxdur. Aralıq dənizi üslubu digər antik əşyaları "sevən" stillərdən funksionallıq və praktikliyi ilə fərqlənir, lakin detallarda xarakterik ornament mövcuddur. Bu üslubda mətbəx həmişə genişliyi ilə fərqlənir, buna görə də qonaq otağı ilə birləşdirilə bilər.
Müasir interyerdə ən populyar dizayn istiqamətlərindən biri müxtəlif mədəniyyətlərin elementlərinə əsaslanan etnik üslubdur. Bu üslub həm Skandinaviya təbiiliyini, həm Yapon minimalizmini, həm Aralıq dənizi dizaynını, həm də Afrika safarini mükəmməl birləşdirir. Etnik üslub interyerdə müəyyən bir xalqın ənənələri üçün səciyyəvi olan milli koloritdən istifadə etməklə mühitin yaradılmasını nəzərdə tutur.
İtalyan üslubunda mətbəxi bəzəmək üçün yüngül, isti palitradan istifadə olunur. Təbii materiallara üstünlük verilməlidir. Döşəmələr ağacdan, laminatdan və ya linoleumdan hazırlanır. Zeytun yağı, bitki qabları, gil qablar aksesuar kimi istifadə edilə bilər. Divarlar isə İtaliyanın mənzərəli rəsmləri ilə bəzədilir.
