Laminat, membran və akrilik mətbəx mebelləri - FƏRQLƏR və OXŞARLIQLAR
Mətbəx mebeli müxtəlif materiallardan hazırlanır. Aralarında ən məşhurları və ən çox ehtiyac duyulanları MDF, DSP və təbii ağacdır. Ancaq digər materiallar da var ki, onlardan da mətbəx mebeli ərsəyə gətirilir.
Buna misal olaraq laminat mətbəx mebellərini göstərmək olar. LDSP olaraq da adlanan bu material DSP-ni laminə etmək metodu ilə hazırlanır. Bu materialı istənilən rəngə boyamaq mümkündür. Laminatlı mətbəx mebeli ən ucuz mətbəx mebeli sayılır. Buna görə də maddi imkanı aşağı olanlar evləri üçün mətbəx mebelini məhz laminatdan hazırlatdırırlar. Bu material üzərində müxtəlif dizaynlar vermək üçün əlverişli deyil. Ancaq mətbəxini tez-tez yeniləyənlər üçün pis seçim deyil.
Membran mətbəx mebellərinə də maraq az deyil. MDF materialın səthinə PVC yapışqan çəkilir və membran presin köməyi ilə PVC folqa yapışdırılır. Uzunömürlü materialdır. Bundan əlavə, rahat təmizlənmə xüsusiyyətinə malikdir.
Akrilik mətbəx mebellərindən də bəhs edək. MDF üzərinə parlaq folya yapışdırılaraq əldə edilən dolab qapaqlarıdır. Suya və cızılmağa qarşı çox dayanıqlıdır. Həm mat, həm də parlaq istifadə edilə bilər. Akrilik fasadlar yüksək parlaqlığı ilə mətbəx otağınızı olduğundan daha geniş göstərəcək. Yüksək keyfiyyətli material olduğu üçün qiyməti yüksəkdir.
High Gloss mətbəx dolanları Akrilik mətbəx dolabları ilə bir çox baxımdan bənzərlik təşkil edir. Parlaq səthi həm ləkələri tez təmizləməyə kömək edir, həm də otağı geniş göstərir. Günəş şüası və suya qarşı çox davamlı materialdır. Saysız-hesabsız rəng seçiminə malikdir.
Son illərdə ən çox istifadə olunan mətbəx mebelləri sırasında Lake mətbəx dolabları da var. Bunun əsas səbəbi görünüşünün təbiiliyi və ağac materiala yaxın olmasıdır. Əsasən, coutry və rustik tərz mətbəxlər üçün hazırlanır. Əgər kimlərsə təbiilik axtarırsa, onlar məhz Lake mətbəx dolablarını seçməlidirlər.
