Rəhbərin iş otağında hansı mebellər olmalıdır?
Rəhbərin iş otağı şirkətin üzü hesab edilir. Bu da əbəs deyil. Məhz bu sahə ziyarətçilərdə firmanın biznes fəaliyyətinə nə dərəcədə ciddi yanaşdığı, iddiaların nə qədər böyük olması, həmçinin rəhbərin gözəl zövqü haqqında təsəvvür yaradır. Otaqda toplantılar keçirilir, vacib qərarlar qəbul edilir. Bu baxımdan rəhbərin iş otağı diqqətçəkən olmalıdır.
Rəhbərin müasir iş otağı adətən üç funksional zonadan ibarət çoxfunksiyalı məkandır: qəbul, iş və istirahət zonası ilə yanaşı ola biləcək danışıq zona.
Qəbul sahəsində işıqlandırmanın güclü olması olduqca önəmlidir. Çünki rəhbər ziyarətçiləri adətən öz otağında qəbul edir. Buna görə də ofisdə rəhbərin otağında mebel seçiminə də xüsusi fikir verilməlidir. Həmin mebellərlə paltar üçün asılqan, bir neçə kreslo və ya divan, həmçinin jurnal masası aiddir. Əgər yumşaq mebel məkanın görünüşü ilə yalnız rəng çaları ilə uyğunluq təşkil edə bilərsə, panel mebel yuxarı səthi divar panellərinə uyğun olduğu halda yaxşı görünər. Bu baxımdan ən yaxşı variant şpon dəzgahlıqdan hazırlanmış jurnal masasıdır.
Rəhbərin iş otağında mütləq yazı masası olmalıdır. Rəhbər öz həmin masanın üzərində önəmli müqavilələrə və sazişlərə qol çəkir. Yazı masasının materialı yaxşı olmalıdır. Adətən dəzgahlıq 180 mm uzunluğa və 90 mm enə malikdir. Karkas hissə həm DSP, həm də metaldan hazırlana bilər. Yazı masası çox zaman masanın yuxarı səthini əsaslı surətdə genişləndirən yan masa ilə təchiz olunur.
Rəhbər otağındakı dolablar ehtiyacdan çox interyerin yaraşığını təmin edir, buna görə də otaq sahəsinin çox hissəsini onlarla məşğul etməyə dəyməz. Bununla belə, dolablar funksional olmalıdır, onların rəflərində sənədlər, kitablar, həmçinin nəinki şirkətin, həm də məsul şəxsin imic və üslubunu nəzərə çarpdıran aksessuarlar saxlanılır. Bundan başqa dolabdakı bəzi yerləri rəhbərin şəxsi paltar sahəsi kimi də istifadə etmək olar.
Iş günü ərzində rəhbərin özünün də istirahətə ehtiyacı olduğunu nəzərə alsaq, otağı bitkilərlə bəzəmək və ya kiçik akvarium qoymaq olar. Psixoloqlar hesab edirlər ki, belə şəraitdə insanlar daha yaxşı dincəlir, sonra isə effektiv işləyir.
Rəhbər otağının interyeri ofisin ümumi işləmələrinə uyğun üslubda tərtib olunmalıdır. Bu, çox önəmli məsələdir. Divar örtükləri üçün ən uyğun variant xarici tərəfi bahalı ağac növü şponundan hazırlanmış dekorativ panellərdir. Onlar ciddi iş mühiti yaradır. Şpon panellər estetikdir, uzun ömürlüdür və xüsusi qayğı tələb etmir: onların üzərini həm quru, həm də yaş əski ilə, bir neçə ayda bir dəfə isə mebelə qulluq vasitələri ilə silmək olar.
