Rənglərə görə mebellərin fərqləri
Mebel seçərkən onun hansı materialdan hazırlanması nə qədər önəm kəsb edirsə, daşıdığı rəng də bir o qədər önəmlidir. Mebellərin növləri kimi, rəngləri də müxtəlif olur.
Ağ rəng məsumluğu, qara rəng nəcibliyi, mavi rəng sakitliyi tərənnüm edir. Narıncı rəngli mebellərə də maraq çoxdur. Narıncı enerjinin rəngi olduğu üçün evinizdə enerjini hiss etdirmək baxımından istədiyiniz yerlərdə bu rəngdə olan yumşaq mebellərdən istifadə edə bilərsiniz. Qonaq otağında narıncı rəngdə olan divan kreslo dəsti gələn qonaqların özlərini rahat hiss etmələrinə səbəb olacaq. Lakin narıncı rəngi bütünlüklə yumşaq mebel dəstində istifadə etmək düzgün deyil. Fərqli rənglərlə uyğunlaşdıraraq evinizdə gözəl ab-hava yarada bilərsiniz.
Yaşıl rəngli mebelləri üstün tutanların da sayı az deyil. Yaşıl rəng yorğunluğu aradan qaldıran rəngdir. Əsasən də göz yorğunluğa olarsa, yaşıl rəngə baxaraq bunu aradan qaldırmaq mümkündür. Bu baxımdan qonaq və ya istirahət otağında yaşıl rəngin olması əladır.
Mavi rəng təbiətdə önəmli rənglərdən biridir. Onu görmək üçün səmaya və ya dənizə baxmaq bəs edir. Bunu edəndə mavi rəngin bizə rahatlıq bəxş etdiyini görərik. Qonaq otağında rahatlığın olmasını istəyirsinizsə, mavi rəngdən istifadə edə bilərsiniz.
Çəhrayə rəng ağ ilə qırmızı rəngdən ibarət olduğu üçün hər iki rəngin xüsusiyyətlərini özündə birləşdirir. Qırmızının enerji və şən ab-havası ilə ağın rahatlıq və məsumluğu çəhrayı rəngdə birləşir. Məhz bu baxımdan yumşaq mebel seçərkən çəhrayı rəngə üstünlük verənlər az deyil.
Mebel dekorasiyasında son vaxtlar ən çox istifadə edilən rəng bozdur. Boz rəngi modern üslübu tərənnüm edir. Bundan əlavə, digər rənglərlə asanlıqla uyğunlaşan tona sahibdir. Boz rəngli mebel seçərkən həm də otağın ölçüsünü nəzərə almalısınız. Otaq balacadırsa, o zaman açıq boz rənginə üstünlük verməyiniz məsləhətdir, çünki bu rəng otağı daha da geniş göstərəcək.
