Dünyanın 7 ən gözəl ofisi
Ofis mebeli dedikdə ağlınıza masa və şkaf yığınlarından ibarət darıxdırıcı mühitlər gələ bilər. Lakin bəzi ofislər var ki, onlar evlərdən belə daha rahat və maraqlıdırlar.
Ofis mebeli vizuallığına və rahatlığına önəm verən verməyən şirkətlər işçilərin motivasiyasını azaldırsa, bəziləri dizayna önəm verməklə işkiləri ofisə qaçmağa və daha yaradıcı və enerjili olmağa vadar edir. Google kimi ağıllı, innovativ şirkətlər üçün bu cür ofislər həm də gənc və ağıllı işçiləri cəlb etməyə çalışarkən rəqabət üstünlüyü təklif edir.
Vizuallığa və özünün dizaynına önəm verən dünyanın ən gözəl 7 ofisi aşağıdakılardır:
Selgas Cano memarlıq ofisi
Madriddə İspan memarları Xose Selqas və Lucia Cano tərəfindən 2007-ci ildə, meşəlik ərazidə tikilən Selgas Cano ofisi siyahımızda öndədir.
Tunel formalı həcm kimi dizayn edilən memarlıq ofisi təbiətlə iç-içə dizaynı ilə diqqət çəkir. Binanın şərq-qərb istiqamətində uzanan şimal fasadında 20 mm qalınlığında şəffaf şüşədən istifadə etməklə ofisin gün işığı və təbiətlə əlaqəsinin vəhdəti onu daha da gözəlləşdirir.
Bundan əlavə, ofisin binası və şimal fasadındakı pəncərələr yamaclarla dizayn edilib. Şimal fasadının şəffaf dizaynına baxmayaraq, binanın cənub fasadı qeyri-şəffaf, akril 110 mm qalınlığında fiberglas və polyester divarla örtülmüşdür. Bu da ofisin qeyri-şəffaflıq strukturun ehtiyac duyduğu günəşdən qorunma təmin edir.
Google
Turistik görməli yerlərə çevrilmiş Google ofislərinin bu qədər yaxşı olması üçün kriteriyalardan biri də canlı rənglərin istifadəsidir.
Təbiəti təqlid edən bu canlı rənglər ofis işçilərinin yaradıcılığa təkan verir.
Google ofisində istifadə olunan rənglər Google-un elə öz loqosundan ilhamlanaraq seçilən rənglərdir. Eyni zaman loqo rənglərinin fərqli tonları və müxtəlif uyğun rənglərindən də ofisdə istifadə olunub.
Google ofislərindən hər hansı birinə baxsanız, həmişə bir növ oyun meydançası görəcəksiniz. Məsələn, Google Venice-də dırmaşma divarı, Sürix və Youtube-da çoxlu video oyunları, bəzilərində üzgüçülük hovuzları, idman zalları və hətta voleybol meydançası var ki, bu da ofisə ayrı bir gözəllik qatır.
İnventionland Dizayn Fabriki
ABŞ-ın Pittsburq şəhərində yerləşən Inventionland ən unikal ofis sahəsidir və bununla bərabər turizm məkanı da hesab olunur. Hər il 15.000-ə yaxın tələbə, müəllim və ofis rəhbəri bura ekskursiyalarla gəlir.
Bu bina əvvəlcə məhsul sahibkarlarına öz ideyalarını həyata keçirmək üçün yer vermək üçün tikilmiş, 60.000 kvadrat metrlik olduqca böyük ofisdə 16 müxtəlif fəaliyyət sahəsi var.
Pallotta TeamWorks
Pallotta TeamWorks xeyriyyə şirkəti, 2002-ci ildə Los-Anceles anbarında inqilabi ofis dizaynı yaratmaq üçün Clive Wilkinson Architects ilə birləşib və bunu bacarıb da.
Ərazi daşıma konteynerləri, çadırlar və xam ağac elementlərindən ibarət idi və hər bir şöbə müxtəlif çadır kəndlərinə bölünmüş bu ofis dünyanın ən yaxşı şəhərcik ofislərindəndir.
Dropbox
Bir ofis düşünün ki, hər əhval-ruhiyyə üçün xüsusi olaraq hazırlanmış bir otağı olsun. Məşhur fayl hostinq və paylaşma platforması Dropbox-ın missiyası insanların istənilən yerdən rahat işləməsini asanlaşdırmaqdır ki, bu asanlığı şirkət ofislərinə də daşıyır.
Dropbox ofis dizaynı qədər gözəldir ki, hətta San-Fransisko qərargahını dizaynı da Dropbox-a oxşadılıb.
Airbnb
Səyahət həvəskarlarının sevimli platformalarından biri olan Airbnb, əlbəttə ki, öz ofisində də səyahət mövzusunu seçməyə bilməzdi. Ofis binasının dörd mərtəbəsinin hər biri mövzu olaraq fərqli bir şəhərdən ilhamlanıb. Dizayna Buenos Ayres, Kyoto, Jaipur və Amsterdamın rəngləri, naxışları və materialları daxil edilməsi sayəsində də dünyanın ən gözəl ofislərindən sayılna bu ofis səyahət abu-havalıdır.
Kaliforniyada 150 000 kvadrat metrlik sahəsi olan Facebook ofisinin ən gözəl üstünlüyü ofisin işçilərin zövqülə hazırlanmasıdır.
Facebook işçilərin ofisdə daha çox vaxt keçirdiyini nəzərə alaraq hakimliyi ağ rəngdə qorumaq fikrilə ofisi elə işçilərin zövqülə dizayn edib. Nəticədə isə fərqli zövqlərin birləşdiyi gözəl bir ofis meydana gəlib.
