İkinci əl yataq mebeli alarkən nələrə fikir verməlisiniz?
Yataq mebeli almağa az büdcəniz varsa, ikinci əl yataq mebelləri sizin üçün ən münasib və əlçatan seçim olacaq.
Həm münasib qiymətli, həm də zövqünüzə xitab edən işlənmiş yataq mebeli almaq vaxt aparan və diqqət tələb edən prosesdir. Çünki ödəyəcəyiniz miqdardan aslı olmayaraq ikinci əl yataq mebelinin istifadəyə yararlı olması və rahatlığı vacibdir.
Bu səbəbdən də maddi itki yaşamamağınız və uğurlu işlənmiş yataq mebeli təcrübəsi yaşamağınız üçün diqqət yetirməli olduğunuz amilləri sizə təqdim edirik.
Yataq mebelinin vəziyyəti
İstifadə olunmuş yataq mebeli alarkən, yatağı hər hansı zədə və ya köhnəlmə əlamətlərinə görə diqqətlə yoxlamaq vacibdir.
Mebelin keyfiyyətinə və ya görüntüsünə təsir edə biləcək cızıqları, çuxurları, ləkələri və ya hər hansı digər zədələr varmı deyə detallarına diqqət yetirin.
Çarpayı dəmirinin və döşəyinin hər hansı bir xırıltı və ya cızıltı səsləri çıxarmadığından əmin olmaq üçün yoxlayın, həmçinin döşəkdə hər hansı bir aşınma, ehtiyatsız istifadə elə köhnəlmə əlamətlərini yoxlayın.
İkinci əl yataq mebelinin ölçüsü
Aldığınız yataq mebelinin məkanınıza uyğun ölçüdə olduğundan əmin olun.
Yatağın qoyulacağı sahəni ölçün və almaq istədiyiniz ikinci əl mebel ölçüləri ilə müqayisə edin. Eyni zamanda yataq çərçivəsinə uyğun olan döşəyin ölçüsünü də nəzərə alın.
İkinci əl yataq mebelinin materialı
Yataq mebelinin materialı həm estetik, həm də praktiki səbəblərə görə nəzərə alınması lazımdır.
Taxta, metal və döşəməli çarpayı çərçivələri populyar seçimlərdir, lakin hər birinin öz üstünlükləri və mənfi cəhətləri var.
Taxta çərçivələr möhkəm və davamlıdır, lakin təmizləməsi çətindir.
Metal çərçivələr yüngül və daşınması asandır, lakin paslanma təhlükəsi olduqlarına görə uzunömürlü deyillər.
Yumşaq çərçivələr rahat və konfortlu görüntü verir, lakin çox baxım tələb edirlər.
İkinci əl yataq mebelinin brend və keyfiyyəti
İstifadə olunmuş yataq mebelinin keyfiyyət və davamlılıq baxımından yaxşı reputasiyaya malik olduğundan əmin olmaq üçün brendini araşdırmaqla keyfiyyətinə əmin ola bilərsiniz.
Yüksək keyfiyyətli və tanınmış brendlərik ikinci əl mebeli baha başa gələ bilər, lakin digər ucuz mebellərlə müqayisədə daha uzun müddət istifadə edəcəksiniz.
