Hansı materialdan hazırlanan mətbəx mebeli daha yaxşıdır?
Mətbəx dolabları üçün müxtəlif keyfiyyətə və qiymətə uyğun bir çox material seçimi vardır. Mətbəx mebeli seçimində ən birinci soruşulması məqam məhz budur, yəni hansı materialdan hazırlanmasıdır. Mətbəx mebelinin materialının suya, istiliyə və buxara davamlı olmağı çox vacibdir. Bundan əlavə olaraq, mətbəx mebeli uzunmüddətli istifadə edildiyi üçün materialı dözümlü olmalıdır.
Mətbəxinizə münasib qiymətə keyfiyyətli materialı seçməyiniz üçün siz materiallardan xəbərdar olmalısınız.Əgər materiallardan xəbərdar deyilsinizsə, onda bunu bilən peşəkarlara müraciət etməlisiniz.
MDF mətbəx mebelləri - orta sıxlığa malik taxtalifi mənasını verib, ağac lifləri ilə yapışdırıcının yüksək temperaturda preslənməsindən hazırlanır. Liflər sıx olduğu üçün MDF lövhələr çox möhkəm materiala sahib olur. Rəngləmək və laminə etmək üçün ideal bir seçim olub, üzərində müxtəlif dizaynlar etmək mümkündür. Ağacın bütün üstünlüklərinə malikdir. Qiymət cəhətdən isə çox münasibdir. Nəmə və rütubətə də davamlıdır. Bütün bu sadalananlara görə, mətbəx mebeli üçün ən yaxşı məhz MDF hesab olunur.
Mətbəx mebelləri, həmçinin DSP materiallardan hazırlanır. DSP ağac hissəciklərinin isti preslə preslənməsindən hazırlanan materialdır. DSP ən sərt tələblərə uyğun material olub, mətbəx üçün uyğundur. Mismar və şurupları möhkəm saxlama qabiliyyətinə mailkdir. Ağac hissələri sıx olmadığı üçün zaman keçdikcə çatlamalara səbəb ola bilər.
DSP-nin çatışmazlıqlarından biri də olur ki, onu rahat boyamaq mümkün deyil. Çünki MDF-lə müqayisədə keyfiyyəti aşağıdır, qısa ömürlüdür. Davamlı olaraq suya və nəmə məruz qaldıqda tez xarab olur. Qiymətcə ucuz materialdır.
Bir çox ağac materialından mətbəx mebeli hazırlamaq mümkündür. Klassik mətbəx mebellərində təbii ağacın istifadəsindən geniş istifadə edilir. Qiymətcə digər materiallardan daha bahadır. Tək mənfi cəhəti dolab qapaqlarının ağır olmasıdır. Məhz bu səbəbdən bəziləri ağac materialından hazırlanan mətbəx mebelini seçmirlər.
Mətbəx mebeli fasadının əsasını MDF, DSP və ya təbii ağac təşkil edir. Həmin materialın üstünə çəkilən dekorativ üzlük həm əsas materialı qoruyur, həm də görünüşü yaxşılaşdırır.
