İşlənmiş mebel alarkən nələrə diqqət yetirmək lazımdır?

Ev üçün mebel seçmək olduqca məsuliyyətli işdir. Çünki mebel uzunmüddətli istifadə üçün nəzərdə tutulduğundan seçimi də diqqətli olmalıdır. Seçim zamanı bir çox nüanslar var ki, onlara fikir verilməlidir.
Bir çoxu əvvəlcə evlərini təmir edir, ondan sonra evin interyerinə uyğun mebel axtarmağa başlayır. Mebel mütəxəssisləri bunun səhv addım olduğunu düşünürlər. Çünki artıq evin divarları boyanıb və ya divar kağızı çəkilib, müəyyən rəngdə döşəmə vurulub, tavanın da bütün bunlara uyğun bir rəngi seçilib. Demək, alınacaq mebel artıq mövcud olanlara uyğunlaşdırılmalıdır. Amma mebellər, əsasən, daha çox populyar rəng, forma və ölçülərdə istehsal olunur. Ona görə də yaxşı olar ki, təmirlə birgə mebel barəsində də düşünülsün.
İşlənmiş mebel alarkən daha diqqətli olmaq lazımdır. Çünki yeni mebellərlə müqayisədə işlənmiş mebellər adamda daha çox sual doğurur. Buna görə də, mebel alarkən qətiyyən tələsmək olmaz. İşlənmiş mebel almaq qərarınız qətidirsə, o zaman Mebelshop.az saytındakı elanları nəzərdən keçirməyinizdə fayda var. Çünki burada zövqünüzə və maddi imkanınıza uyğun işlənmiş mebelləri daha rahat və tez tapacaqsınız.

İşlənmiş mebel seçərkən onun hazırkı durumunu dəqiq bilməlisiniz. Sahibinin həmin mebeli hansı vəziyyətdə satdığını bilmək üçün isə ən yaxşı variant mebeli yerindəcə görməkdir. Əgər ilk baxışda mebeldə hər hansı bir defekt görmürsünüzsə, onda digər məsələlərə keçmək olar.
Təbii ki, işlənmiş mebelin birinci hansı metarialdan hazırlandığını dəqiq bilməlisiniz. Çünki keyfiyyətsiz materialdan hazırlanmış, xüsusilə, bir müddət işlənmiş mebelin qalan ömrünü hesablamaq mümkün olmur. Əgər həmin mebeli siz də bir müddət işlətmək niyyətindəsinizsə, mütləq keyfiyyətli materialdan hazırlanmış mebel seçməlisiniz.
İkinci məsələ işlənmiş mebelin evinizin dizaynına uyğun gəlib-gəlməməyidir. Bu məsələdə daha diqqətli olmaq lazımdır. Həm mebelin ölçülərini dəqiq götürməli, həm də həmin mebel üçün evinizdə ayırdığınız yerin sahəsini dəqiq bilməlisiniz. Əgər mebel həmin yerə uyğun gəlirsə, onda onu almaq olar.
Mebellə bağlı onun sahibinə nə qədər sual versəniz, bir o qədər xeyrinizə olar. Düzdür, heç də hamı satmaq istədiyi mebelin bütün defektlərini sizə deməz. Amma yenə də sualları müxtəlif cür verməklə sahibindən satmaq istədiyi mebellə bağlı çox şeyi öyrənmək olar.