Mətbəx mebeli necə seçilir?
Mətbəxin tamamlanması üçün mətbəx mebeli seçimini doğru etmək lazımdır. Əks təqdirdə, mətbəxinizdə komfort əldə edə bilməyəcəksiniz.
Mətbəx mebeli hər evin ən vacib hissəsidir. Neçə otağınızın olmasından asılı olmayaraq, yenə də mətbəx müasir insanın həyatında daha çox funksiya yerinə yetirir. Biz orada həm yemək hazırlayırıq və yeyirik, istirahət edirik, dostlarımızla görüşürük, kitab oxuyuruq, tikiş işləri ilə məşğul oluruq, iş görürük. Bir çox ailələr üçün mətbəx iş kabineti hesab olunur, orada gecə yarıya qədər kompüterin arxasında oturub iş görmək və ya heç kimə mane olmamaq üçün sakitcə oturub dərsləri hazırlamaq üçün ideal yerdir. Mətbəxdə olmağın maksimal şəkildə səmərəli olması üçün məkanın interyerini əvvəlcədən planlaşdırmaq və mebel seçiminə xüsusi diqqət yetirmək lazımdır. Mətbəx mebelinin rahat, funksional, müasir olduğu və sizin zövqünüzə uyğun gəldiyi zaman xüsusi bir komfort yaranır.
Həqiqətən də, yaxın keçmişlə müqayisədə indi mətbəxlər evin daha vacib hissəsinə çevrilib. Çünki əksəriyyət artıq mətbəxdə vaxt keçirməyi xoşlayır. Əvvəllər mətbəx ancaq yemək bişirmək üçün istifadə olunurdusa, indi geniş mətbəxlərə üstünlük verilir ki, bunun da sayəsində mətbəxə istirahət üçün lazım olan digər əşyaları da yerləşdirmək imkanı yaranır.
Zərif dizayn edilmiş mətbəxə sahib olmaq çox vacibdir. Bunun üçün isə ən vacib məsələ mətbəx mebeli seçimidir. Mətbəxiniz üçün uyğun mebel seçdiyiniz zaman məkanı rahat, diqqətçəkən göstərmiş olacaqsınız.
Şkaflar mətbəxin vazkeçilməz əşyaları sırasındadır. Dizayn mətbəx şkafları üçün çox vacibdir. Mətbəxinizə klassik rəng qatmaq istəyirsinizsə, taxta və ya ağ mətbəx şkafları axtarmalısınız.
Mətbəxlər adətən dağınıq olur. Buna görə də mətbəxdəki əşyalarınıza ləkə düşməm ehtimalı çoxdur, bu isə ciddi narahatlıq doğurur. Buna görə də, divan və stullar alarkən örtüyü olanları seçmək daha məntiqli olar. Asanlıqla ləkələnəcək yüngül örtüklərdən və ya zərif məxmərlərdən çəkinin.
Mətbəx mebelinin rəngini seçmək o qədər də çətin deyil, amma nəticədə harmonik, dəbli məkan əldə etmək üçün əvvəlcədən bir çox detalları düşünmək lazımdır. Təcrübəli dizaynerin xidmətlərindən istifadə edə bilərsiniz və ya internetdəki uğurlu nümunələrə baxıb öhdəsindən gəlməyə çalışa bilərsiniz.
Mətbəx mebelini üçbucaq prinsipi ilə yerləşdirmək lazımdır. Mətbəxdə iş zonası kimi xidmət edən üçbucaq - plitə, mətbəx çanağı və soyuducu arasında qalan zonadır. Onların arasında boş sahə olmalıdır və iş stolunun hər bir tərəfindən onların hər birinə rahat və maneəsiz keçid imkanı yaradılmalıdır.
Mətbəxin planlaşdırılmasının ən məhşur variantı künc və ya L-şəkilli yerləşdirilmədir. Künc dolablarına çox əşya yerləşdirmək olur və bu, kiçik mətbəxlər üçün ideal seçim hesab edilir.
